Британски промотор и шеф на Мечрум бокс – Еди Херн призна дека Александар Усик не е единствениот кандидат за следниот противник на Ентони Џошуа.
Името на поранешниот неприкосновен светски шампион во полутешка категорија повторно беше заменето со името на британскиот шампион, кој пред само неколку дена беше сигурен ривал на Тајсон Фјури.
Двајцата Британци требаше да дадат апсолутен шампион во најтешката категорија, но Дионтеј Вајлдер го повлече Фјури на трет меч меѓу нив. Така, Усик, кој е задолжителен предизвикувач за појасот на ВБО, повторно стана прв во низата.
Сепак, тој не е единствениот, уверува Еди Херн.
„Постои можност следниот меч на Ентони да биде во САД“, ги изненади сите промоторот.
„Ако се случи тоа, Усик нема да биде следниот противник, но мислам дека ќе се сложиме со Усик и неговиот табор, двајцата да се борат во Лондон.
„Има доволно кандидати кои сакаат да се борат против Џошуа. Ако Америка се покаже како сериозна опција, Енди Руиз веќе ми напиша дека сака трилогија.
Луис Ортиз исто така е можна опција. Ако останеме во Велика Британија, и Дилиен Вајт е подготвен. Усик е број еден во моментот, но не треба да исклучуваме ништо“, додаде Херн.
