Ентони Џошуа изненадувачки му помогна на Дионтеј Вајлдер и го бранеше од јавното мислење.
„Бронзениот бомбардер“ стана предмет на потсмев за постојаните изговори што ги наоѓаше за поразот од Тајсон Фјури, но Еј Џеј застана на негова страна. Британецот не го обвини сонародник за измама, како што тоа го прави Вајлдер, но бараше значење зад чудните зборови на Американецот.
„Не сум изненаден. Тој се обидува да му изрази на светот како се чувствува. Но, ајде, ние, масата луѓе, да ги толкуваме неговите зборови како што сметаме дека е соодветно. Како се чувствува денес може да се промени за една или две години, благодарение на искуството или подобро разбирање на ситуацијата низ која поминал. Ги нокаутира сите и беше навикнат да победува. Сега изгуби, а ова му е туѓо. Со текот на времето, тоа може да почне да се изразува на друг начин. Денес? Според мое скромно мислење, работите се неразбрани. Позитивното од ова? Му кажа на светот дека избегна меч со мене. Му понудивме средба за неприкосновен светски шампион, но тој отиде на патот до меч со Фјури. Драго ми е што го расчистивме ова прашање и продолжуваме. Ќе има корист од ова со текот на времето“, рече филозофски Џошуа.
