Светскиот шампион во тешка категорија ВБА, ВБО, ИБФ и ИБО, Ентони Џошуа (24-1), објави дека сега има официјална понуда за датум и место на мечот со носителот на појасот на ВБЦ, Тајсон Фјури (30-0-1).
Тој ги искористи социјалните мрежи за да го предупреди „Кралот на Ромите“ дека нема простор за повлекување и дека оваа битка ќе се одржи. Во моментов нема потврда кога точно ова ќе се случи. Спомнатите датуми, кои беа објавени од менаџерот на ЕЏ, Еди Херн, се 17 и 24 јули. Опциите што самиот Фјури призна дека ги ставил на маса се Велика Британија, Саудиска Арабија, Катар, Сингапур, Кина, САД и Дубаи.
Ентони Џошуа објави дека средбата со Фјури е се поблиску.
„Вечерва имам добри вести. Ја добивме првата официјална понуда за домаќин на борбата за апсолутната светска титула во тешка категорија. Ги облекувам патиките за тренинг и започнувам. Со Божја помош, ќе победам. Вреќе нема каде да се сокрие, затоа што доаѓам“, напиша Џошуа.
Public service announcement. More official news to follow, stay tuned. pic.twitter.com/b0TkFvQlGr
— Anthony Joshua (@anthonyjoshua) April 11, 2021
Наспроти позадината на пандемиската состојба во поголемиот дел од светот, шансите средбата да се одржи на Островот се најмали. Тренерот на Фјури, Шугархил Стјуард, објави дека овој меч не може да се одржи пред празни трибини.
„Тоа е во тешка категорија, а овие се двете најголеми sвезди во моментов. Нема начин да се организира ваков дуел без публика, само на телевизија. Заслужува да биде пред полни трибини, инаку нема смисла да се одржи сега. Треба да се случи, луѓето да се борат за билети, а трибините да рикаат кога ќе стапнат на сцената“, изјави Стјуард.
