Двократниот светски шампион во тешка категорија Ентони Џошуа одговори на критиките за неговиот настап во борбата со Американецот Џермејн Френклин.
Борбата меѓу нив се одржа минатиот викенд во Лондон. Потсетуваме, Британецот победи со едногласна одлука. Така ја прекина серијата од 2 порази по ред, но не импресионираше со ништо во рингот. Бран критики го преплавија Џошуа и многу луѓе не гледаат како тој ќе се врати на врвот.
Сите го отпишуваат „Еј Џеј“, но тој го спореди тоа со Мајк Тајсон. Ентони вели дека нема ништо лошо да боксираш 12 рунди. Како пример го посочи Тајсон, иако Мајк стигнал до одлука само во 5 од неговите 58 борби.
„Враќајќи се во 2017 година, тогаш се обидов да го завршам Кличко во петтата рунда. Единствената причина што преживеа до 11-ти беше поради тоа што бев исцрпен. Во борбата со Пулев бев близу да го сопрам.
Веројатно упатив 200 удари во рунда за да го нокаутирам, но преживеа. Искуството е најдобриот учител. Гледате млади борци кои се обидуваат да ги запрат противниците кои не сакаат да губат.
И ќе видите дека некои од нив поминуваат низ она низ што поминав јас. Тогаш сфаќаш дека треба да бидеш попаметен во рингот. Мајк Тајсон исто така се бореше 12 рунди.
Што не е во ред да го поминам целосно растојанието во рингот?“, изјави Џошуа за БоксСцена.
View this post on Instagram
