Џон Фјури, таткото на шампионот во ВБЦ, Тајсон Фјури, го критикуваше Ентони Џошуа, кој загуби минатиот месец од Александар Усик.
Овој пораз ја спречи можноста на Фјури да се бори со Џошуа во почетокот на 2022 година.
Наместо тоа, Џошуа ќе има реванш со Усик, за да ги врати титулите на ИБФ, ИБО, ВБО и ВБА.
Следниот противник на Фјури не е извесен, но најверојатно ќе се бори со победникот од дуелот меѓу Дилиен Вајт и Ото Валин, кои ќе се соочат едни со други на 30 октомври.
Фјури Сениор рече дека Џошуа не се откажал целосно бидејќи знаел дека има клаузула за реванш во договорот.
„Говорот на телото на Џошуа може да го видите само по мечот, како и неговото однесување. Вистинските воини не се однесуваат така”, рече Џон Фјури.
„Ако го видите Тајсон и ако го видите Дионтеј Вајлдер, никој од нив не ја спушта главата, покажувајќи дека дале се од себе.
Тој не се обидуваше да направи ништо значајно. Вајлдер го даде своето срце. Даде се од себе.
Еј – Џеј не направи ништо лошо, но немаше желба или волја да се бори. Немаше ни дел од она што го покажаа Фјури и Вајлдер. Тој беше добар шампион, но никогаш нема да може да победи ниту еден од нив“.
