Британецот Џо Џојс го победи Новозеланѓанецот Џозеф Паркер со нокаут во 11. рунда во фантастичен меч во тешка категорија на боксерскиот спектакл во АО арената во Манчестер.
Сребрениот од Олимписките игри во Рио го освои привремениот шампионски појас на ВБО.
Непоразениот британски боксер стигна до својата 15-та професионална победа, додека за Паркер тоа беше трет пораз во кариерата.
Во еден од најдобрите боксерски мечеви оваа година и двајцата покажаа голема издржливост. Џо и Џозеф разменуваа силни удари во текот на борбата и чудо е што натпреварот не заврши порано.
Џојс веднаш тргна во офанзива и се закани со преден директ, но Паркер одлично се движеше и брилијантно возврати.
Во втората рунда си разменија одлични комбинации, а на Паркер му крвари и носот.
Џојс силно го удри противникот во средината на рундата и како да го потресе Џозеф.
Третата рунда понуди нов огномет од одлични удари, најпрвин се закани Британецот, а на крајот со иста мерка возврати Паркер.
Џојс продолжи да ја контролира борбата со директ, додека Новозеланѓанецот возврати.
А Паркер го удри Џо неколку пати брилијантно, а тој ни не трепна, го издржа секој удар од Џозеф.
Џојс агресивно влезе во шестата рунда и бараше прекин, но Паркер издржа. Во вториот дел од рундата Новозеланѓанецот возврати со силни удари.
Џо го пресече Џозеф над десното око во седмата рунда. Чудо е што Паркер преживеа дотогаш.
Веќе во деветтата рунда беше очигледно дека и двајцата се видно уморни, Џојс се закани со директ, а Паркер одговори со лево кроше. И двајцата си разменија неколку силни комбинации, но сето тоа го издржаа.
Џојс повторно излезе силен во 11. рунда и бараше прекин. По неколку размени на удари, Џо го удри Паркер со лево кроше во брадата, што заврши со нокаут.
Wow didn't expect this #JoeJoyce #ParkerJoyce https://t.co/WSsjQlGUqY
— Emmanuel Ogunfojuri (@emansquared) September 25, 2022
Френк Ворен најави дека Џојс треба да добие шанса да се бори со шампионот следната година, а актуелен носител на појасот на ВБО е Усик.
Џојс дефинитивно го заслужи тоа со својот настап против Паркер.
Во борбата за титулата, Порториканката Аманда Серано ја победи Сара Махфуд со едногласна одлука во мечот во перо категорија.
Аманда доминираше во текот на целиот меч. Таа со убедлив триумф ги одбрани титулите на ВБЦ, ВБО и ИБО, а сега стана и сопственик на шампионскиот појас на ИБО.
