Дубоа откри што мисли за одлуката на Канело да се обложи на победа на Усик

Британскиот тешкаш Даниел Дубоа му кажа на Канело Алварез дека ќе изгуби пари затоа што се обложил на Александар Усик.

Мексиканската боксерска суперѕвезда пред неколку дена откри дека се обложил на 500.000 долари на победата на Усик против Дубоа.

Непоразениот Украинец и големиот Британец ќе се соочат вечерва на голем боксерски спектакл на Вембли во меч за апсолутниот шампион во тешка категорија.

Судирот меѓу двајцата врвни тешкаши ќе биде втор дуел во нивните кариери. Усик го победи Дубоа со нокаут во деветтата рунда во август 2023 година на настан во Полска.

Усик се враќа во акција по две победи над Тајсон Фјури минатата година, додека Дубоа го нокаутираше Ентони Џошуа во петтата рунда во неговиот последен меч во септември минатата година.

Пред борбата во сабота, Канело е толку уверен во победата на Усик што се обложи на него и инвестираше 500.000 долари. Победа на украинскиот борец би му донела на мексиканецот 630.000 долари.

„Усик ги победува најдобрите во последните пет години. Александар е многу издржлив, технички брилијантен и многу паметен. Кога ќе видам некого со таков фокус, тогаш тој ја има мојата максимална поддршка. Ти си тој, ти ќе победиш “, ја објасни Канело својата одлука.

Дубоа беше прашан на последната прес-конференција што мисли за одлуката на Канело да се обложува на победата на Усик.

„Тоа не ми значи ништо. Ќе изгуби пари. Сега сум фокусиран само на мојот противник. Ајде да продолжиме понатаму“, рече британскиот тешкаш.