Непоразениот шампион во полутешка категорија се најде во разни замрсени работи поради политички конфликти.
Имаше многу прашалници за мечот меѓу Дмитри Бивол и Канело Алварез. Бивол е боксер роден во Киргистан, но официјално е руски боксер. Со оглед на воената состојба меѓу Русија и Украина и бројните санкции против руските спортисти, настапот на Бивол беше под знак прашалник.
Владимир Кличко, како истакната боксерска фигура, ја повика ВБА да му забрани настап на неговиот шампион во полутешка категорија и инсистираше спортските комисии да го санкционираат овој меч. Желбите не му се исполнија, а Бивол не само што настапи, туку и го победи Канел Алварез, според многумина најдобриот боксер на светот.
31-годишниот Русин славеше со едногласна одлука на судиите и го задржа појасот светски шампион во тешка категорија на ВБА (Супер). Иако Бивол не ги сноси санкциите кога е во прашање настапот во Лас Вегас, организаторите направија одредени потези дека не ја поддржуваат руската агресија.
Имено, при прогласувањето на боксерот во рингот не се ни споменуваше дека Бивол е роден во Киргистан и дека резиденцијата му е во Санкт Петербург. Петербург е во Русија. Бивол е најавен како борец кој доаѓа од Калифорнија, а ова е локацијата каде Бивол вообичаено тренира. Рускиот боксер тврди дека тоа не му пречело премногу на патот до победата.
„Прво рекоа дека не треба ни да боксирам, а потоа ме замолија да го сторам тоа без руско знаме. Бараа и музиката да не биде национална, а потоа се постави прашањето како ќе ме претстават. Ме изненадија со тоа. Не рекоа дека доаѓам од Санкт Петербург, ниту од Киргистан. Некако решија дека доаѓам од Калифорнија“, рече Бивол, разговарајќи со Игор Лазорин.
„Не ги обвинувам организаторите, ги разбирам. Самиот меч е главен фокус за мене. Убаво е кога можеш да ја претставуваш својата земја, но мислам дека сите ги разбираат околностите“, додаде Бивол.
