Тајсон Фјури пред десетина дена го доживеа првиот пораз во кариерата. Британскиот боксер загуби со поделена одлука на судиите од Украинецот Aлександар Усик во мечот за апсолутен светски шампион во тешка категорија на големиот настан во Ријад.
Но, тој me; можеше да заврши малку порано. Имено, во деветата рунда по силните удари на Усик, Kралот на Ромите беше соборен, а држејќи се за јажињата се спаси да не падне на подот.
Во тие драматични моменти за Фјури, судијата ја одигра својата улога во рингот, прекинувајќи ја борбата и почна да му брои на Британецот.
Откако се увери дека е добро дозволи мечот да продолжи, но во тој момент се огласи со гонг за крај на рундата.
Фјури имаше корист од паузата, бидејќи целосно се врати во мечот, но во последните три рунди не направи ништо посебно за да ги заработи дополнителните бодови што ќе му донесат победа над Усик.
Дионтеј Вајлдер деновиве го коментираше мечот меѓу Усик и Фјури.
„Беше голема борба и неизвесно до крајот. Не знаев кој ќе победи. Секогаш мислам дека е важно каков залак имаат борците, а овој пат на Александар беше поголем“, изјави Бронзениот бомбардер и смета дека Усик требало уште порано да ја постигне победата над Фјури:
„Усик е ограбен во деветата рунда. Требаше да заврши со нокаут. Но, беше време за подарување и Фјури доби подарок. Подароци, подароци, подароци… Но Усик на крајот победи и за тоа му честитам. Му посакувам се најдобро во понатамошната кариера“.
Дионтеј Вајлдер се враќа во рингот во сабота. Бронзениот бомбардер ќе настапи на шоуто „5 на 5“, односно на натпревар на промоциите Мечрум и „винсбери во мечот против Жилеј Жанг.
Во пресрет на соочувањето Вајлдер упати сериозна закана до кинескиот тешкаш, велејќи му дека „има громови во рацете што ќе ги почувствува“.
