Светскиот шампион на ИБФ, ВБА и ИБО во супертешка категорија, Ентони Џошуа, призна дека не би сакал неговиот син да тргне по неговите стапки и да го избере професионалниот бокс како професија. Според зборовите на Британецот, тој не би посакал на никого да ги преживее стресот и болката, кои се дел од боксот.
„Се колнам, не би сакал мојот син да стане боксер. Тоа не е работа, тоа е лудило! Дали знаете на каква болка сме подложени? Тоа не би му го посакал на никого“, изјави Џошуа за Мирор.
„Затоа ќе му кажам на мојот син: „Тргни по свој пат, без разлика дали станува збор за бизнис, образование или спорт …“. Но сакам тој да биде подобар од мене во сè, со што ќе се зафати“.
