Викендов во рингот се враќа Девин Хејни (29-0).
Хејни ги заложува појасите во лесна категорија во борба со живата легенда Васил Ломаченко (17-2). Нивната борба ќе се одржи во Лас Вегас и во неа ќе настапи неприкосновениот шампион во лесна категорија. Девин е тежок фаворит во борбата и многумина веруваат дека ќе го задржи статусот на неприкосновен шампион.
Хејни е многу помлад од Лома – 24 години наспроти 35. Второ, тој е поголем – 3 сантиметри повисок, 14 сантиметри подолг со растег на рацете и визуелно 8-10 килограми потежок. Сите добри карактеристики се на страната на Хејни, но борец како Ломаченко не треба да биде отпишан.
Хејни зборуваше за својата религија и откри дека Куранот е најважното нешто во неговиот живот.
„Куранот ми е најважен. Јас сум гласот на две милијарди муслимани. Алах дефинитивно ја унапреди мојата боксерска кариера. Секако, се молам и сакам да победам. Исламот е наша семејна традиција, па го прифатив.
По моето преобраќање во исламот, мојот живот целосно се промени. Без оглед на чувството што ви ја посетува душата – отворете го Куранот и секогаш ќе има нешто за вас.
Има по нешто за секого, без разлика низ што поминувате во животот. Куранот ги има сите одговори. Затоа толку често велам „Ал-хамду ли-лах“, затоа што сум му благодарен на Алах за се што ме благослови“, рече Хејни.
