Македонската карате на првиот ден од Балканското првенство во Дубровник, Хрватска, освои осум медали- 1 златен, 3 сребрени и 3 бронзени.
Сребрените девојки од Светското првенство во Џакарта, Маријана и Мишела Димокси си ги поделија медалите во кати за јуниорки во поединечна конкуренција. Маријана е блакански шампион, а Мишела вицешампион.
Маријана шампионски по ред ги газеше со по 5-0: Николина Џурџевиќ (Србија), Амина Тариховиќ (БиХ) и сестра и Мишела Димоска. Исто така и Мишела беше супериорна: Милица Бјелица (Црна Гора), Мартина Јакиќ (БиХ) и Тијана Радивојевиќ (Србија).
Ферри Исиќ кати за јуниори до 21 гоидна ги освои бронзениот медал. Исиќ славеше против Марко Ламбиќ (БиХ) 5-0, Никола Ручнов (Србија) 4-1, а во полуфиналето е поразен од Јован Симиќ од Србија со 4-1. Во репасажот за бронзениот медал е подобар о Романецот Санду Аугустин со 5-0.
Бојана Манева (-61 кг) е трета во У-21. Таа ја совлада Тина Шетегел (Словенија) 2-1, потоа загуби од Јована Перковиќ (Србија) со 1-0, но во репасажот беше подобра од Петра Зиц (Хрватска) 0-0 -на изјаснување и од Умај Токчан од Турција 4-1.
Моника Пендаровска (-54 кг) во јуниорска конкуренција го освои сребрениот медал, како и нејзината клупска другарка Ангела Мојсовска (-59 кг). Пендаровска ги победи Белма Омеровиќ (БиХ) 3-0, Медина Рамадани (Косово) 4-0, во финалето беше поразена со 9-0 од Турчинката Есра Карабаг.
Мојсовска имаше многу потежок пат и славеше над: Ива Иванова (Бугарија) 3-2, Луција Пресуко (Хрватска) 2-0, Ксенија Рајовиќ (Црна Гора) 4-3 и Радмила Вукеља (Србија) 2-1, а во финалето е поразена од Тања Ропрет (Србија) со 4-0.
Верона Ајдини (-47 кг) го освои сребрениот медал во кадетска конкуренција, додека Гафури Вјолца (-54 кг) е трета. Ајдини ги совлада Нјела Салцин (Б и Х) 5-1, Бојана Јанковиќ (Србија) 8-0, Доротеа Румењак (Хрватска) 0-0 на изјаснување, во финалето е поразена од Леа Вукоја (Хрватска) со 1-0.
Вјолца беше подобра од Валбуена Гервала (Косово) 4-0, Ирис Кориц (БиХ) 1-0, а загуби од Ивет Горанова (Бугарија) 2-0, додека во борбата за бронзениот медал во репасажот славеше над Бруна Цвитановиќ (Хрватска) 1-0.
Ipon.mk/В.Д.