Дејан Стефановски на ММА настанот „Никшиќ фајтинг чемпионшип“ во Црна Гора пред две недели го победи еден од најдобрите српски претставници, Аелксанадар Јанковиќ. Стефановски ја доби борбата со гушење за две минути Тоа беше единствената победа за македонските борци.
Тој со мешаните боречки вештини се занимава три години во Будо клубот од Велес, а за турнирот во Никшиќ вели:„Досега ова е најсилниот турнир во Црна Гора, каде што настапија натпреварувачи од повеќе земји. Очекувам уште посилни противници и борби“. 
Победата имаше одглас во регионот и доби покана да настапува во еден од најдобрите европски клубови за ММА.
„На 20 јуни заминувам за Дубровник, таму ќе тренирам во најдобриот клуб во Европа, Гладијатор. Тренер ќе ми биде Маро Перак, еден од најдобрите ММА борци во светот. А ќе имам можност да спарингувам со Анте Делија, Кристијан Перак, Хрвоје Сладе, Антун Рациќ, Карло Чапут и останати во клубот“, истакнува Дејан.
За добриот настап и врвната форма свои заслугии имаа Златко Петровски, Илија Андов, Дејан Трајковски, Кристијан Лазов, Мирза Сендиќ, како и Илија Младеновски и Димитар Ташковски од Босерскиот клуб Пинк Пантер и Дејан и Димитар Богданови од Боречкиот клуб Блаканец од Штип. Сепак, Лазар Ракиџиев ги спонозрира неговите активности, а разбирање имала и Општина Велес.
„Еден од големите сонови ми се оствари, да тренирам во Гладијатор од Дубровник. Следниот сон е некогаш и некаде да го имам шампионскиот појас“, категоричен е Стефановски, кој најголемата потпора за остварување на сништата ја има во неговото семејство.
ipon.mk/В.Д.
