Давид Бенавидез ја брани титулата на ВБЦ против Ентони Јард

Давид Бенавидез ќе го брани појасот на ВБЦ во полутешка категорија против британскиот предизвикувач Ентони Јард.

Непоразениот американско-мексикански боксер стана шампион во април откако Дмитри Бивол се откажа од титулата за да договори трилогија со Артур Бетербиев.

Поранешниот двократен шампион во супер средна категорија (30-0, 24 нокаути) откако се пресели во полутешка категорија ги победи Александар Гвоздик и Дејвид Морел.

А пред неколку недели Бенавидез преговараше со друг британски полутешкаш, Калум Смит, кој на крајот ја отфрли понудата, а друг противник влезе во играта.

А Турки Алалших потврди дека Бенавидез ќе го брани својот појас во ноември против Јард во своето деби на Сезоната во Ријад.

„Ѕверот од Истокот“ победи четири пати по ред откако загуби од Артур Бетербиев во јануари 2023 година, а последен пат во април оваа година против Линдон Артур.

Ентони Јард (27-3, 24 нокаути) се обидува да се докаже во полутешка категорија пред да се пресели во крузер категорија.

„Мојата цел е да станам шампион во три дивизии, а пред да се пензионирам би сакал да се борам во тешка категорија. Секако, ако моето тело ми дозволи“, рече Ентони Јард.