Поранешниот привремен шампион во лесна категорија Дастин Пориер се надева дека Џастин Гејџи ќе успее во она што не успеа тоја да го направи. Пориер ја загуби привремената титула во битката со Хабиб Нурмагомедов минатиот септември во Абу Даби. „Орелот“ се мачеше, но сепак ја наметна својата волја и го победи противникот.
Една година подоцна, Џастин Гејџи е привремен шампион и најверојатно во септември ќе ги обединува титулите со непоразениот шампион во Абу Даби на „Борбениот остров“. Минатиот викенд Пориер го победи Ден Хукер и се врати на победничкиот пат. „Дијамантот“ е последниот борец што го совладал Гејџи и верува дека ако Џастин стане шампион, тогаш реваншот е неизбежен.
„Имам победа над еден од двајцата кои ќе се борат за титулата наесен. Не сум сигурен дека ќе ја добијам битката против победникот. Не сум разговарал за ова со УФЦ. Сега се опоравувам и минувам време со семејството. Ногата ми е прилично лоша и не можам да трчам. Сè уште ништо не можам да правам и се опуштам. Сигурен сум дека ќе има уште една голема битка со моето учество.
Ќе видиме. Мислам дека ќе ми биде полесно да добијам шанса за титулата ако Џастин Гејџи го победи Хабиб. Јас сум последниот борец што го победил Гејџи. Јас сум единствениот во УФЦ кој има победа над него. Има смисла таквата битка и знам дека тој го сака тоа. Мислам дека Џастин може да го победи Хабиб во борбата ако го задржи во центарот и не застане на мрежата.
Гејџи има искуство во борење и мислам дека ќе блесне ако се борат во центарот. Верувам дека Гејџи ќе се најде во проблеми ако Хабиб го задржи до мрежата. Ќе видиме. Мислам дека планот на Гејџи ќе биде да се бори во центарот и да разменуваат удари. Повторно ја гледав секоја моја битка и можам да направам работите подобри. Правам многу грешки, но секогаш можам да бидам подобар“, вели Пориер.
