Шампионот на ВБЦ, Тајсон Фјури, кој повеќепати се пензионираше, а потоа се враќаше во рингот во текот на кариерата, сака да има три борби во новата година. Ова го соопшти промоторот на Џипси Кинг, Френк Ворен.
Целта број 1 е борба со Александар Усик, во која непоразените боксери треба да го одредат првиот апсолутен шампион во тешка категорија по Ленокс Луис. Доколку го победи Украинецот, Британецот ќе сака да се спротивстави на својот сонародник, но не е Ентони Џошуа, туку Џо Џојс, кој исто така е непоразен досега.
„Имаме големи планови за следните 12 месеци. Најважно е да се финализира мечот на Фјури со Усик. Ова ќе доминира во нашата програма. Ако победи Тајсон, самиот рече дека сака борба на Вембли со Џо Џојс. Тоа е борба која ме привлекува и мене, бидејќи повторно ќе руши рекорди. Фјури сака три бои за годината. Значи, имаме многу работа“, рече Ворен.
View this post on Instagram
