Минатиот викенд се одржа настанот УФЦ 280 во Абу Даби, на чиј предводник беше борбата меѓу Ислам Махачев и Чарлс Оливеира за шампионскиот појас во лесна категорија.
Дагестанскиот борец со завршница во втората рунда го совлада Бразилецот и стигна до тронот.
И додека Ислам го држеше победничкиот говор во непосредна близина на арената, дојде до метеж меѓу двајца борци на најголемата светска ММА организација, Хамзат Чимаев и братучедот на Хабиб, Абубакар Нурмагомедов.
Имено, двајцата разговараа, а потоа во еден момент шведско-чеченскиот борец го оттурна Абубакар.
Почнаа со туркање, но меѓу нив влетаа безбедносните сили и ги разделија конфликтните страни.
Се чини дека недоразбирањето брзо се испегла, бидејќи Абубакар на Инстаграм објави видео во кое Хабиб со помирувачки тон објаснува како се е испеглано, а недоразбирањето е решено.
Абубакар во описот на видеото напиша:
„Се случи мало недоразбирање меѓу мене и Хамзат. После тоа се сретнавме со него во нашиот братски круг. Хамзат е мој брат по вера и секогаш му посакувам здравје и успех“.
Но, најзаслужен за помирувањето на Хамзат и Абубакар беше чеченскиот лидер Рамзан Кадиров, кој сподели заедничка фотографија на своите социјални мрежи.
View this post on Instagram
