Пред неколку дена се дозна дека поранешниот шампион на УФЦ во тешка категорија Каин Веласкез е уапсен. 39-годишниот Мексиканец се обидел да застрела маж кој извршил блуд со неговиот 4-годишен син.
За жал, Веласкез не успеа да го погоди педофилот, а наместо тоа неговиот куршум го погоди очувот.
Обвинетиот маж е 43-годишниот Хари Јуџин Гуларте, кој живее во Сан Мартин, Калифорнија. Неговото семејство има бизнис за домашна нега што го води неговата мајка. Гуларте беше обвинет за „блудни дела со дете помладо од 14 години“.
Властите велат дека роднина на Веласкез минатата недела пријавил дека тој бил малтретиран од маж во домашна градинка во Сан Мартин, според Денвер пост. Новинската организација го чува во тајност името на детето и точната врска со Веласкез, бидејќи детето е малолетно и жртва на сексуална злоупотреба.
Веласкез се уште јавно не ја коментирал ситуацијата. Тој беше задржан во главниот затвор во округот Санта Клара без кауција. Полицијата и Веласкез се уште не потврдиле дека тоа е мотивот зад пукањето.
На својот профил на социјалните мрежи, шампионот на Белатор, Рајан Бадер, го коментираше инцидентот и рече дека жртвата е 4-годишниот син на Каин Велакес.
„Кога првпат ја слушнав веста, помислив дека мора да има нешто друго во приказната. Се вели дека роднината е неговиот 4-годишен син.
Го познавам Каин долго време, а покрај неговиот застрашувачки изглед, тој е еден од најубавите и најгрижливите момци на планетата.
Можеше ли поинаку да се справи со работите? Секако, иако повеќето од нас не биле на таа позиција и којзнае како би реагирале“, напиша Бадер на оваа тема.
