Димитар Ѓоргиев го освои бронзениот медал на Светското првенство во кик бокс за сениори во Будимпешта, Унгарија.
Ѓоргиев во категоријата до 74 килограми во полуфиналето на кик лајт дисциплината е поразен од Словакот Марек Карлик со 1-2, така што е оневозможен по четврти пат да се бори за светската титула.
Селекторот Дејан Митровски – Урко вели дека Димитар цело време водел и дека добил и втора опомена за наведнување на главата, поради што ја изгубил борбата. Според Митровски, втората опомена на Ѓоргиев не требало да му ја доделат.
Македонија од ова Светско првенство се враќа само со еден медал, за разлика од СП во 2015 година во Белград кога Ѓоргиев и Ненад Манојловски се закитија со златни медали, а Стефани Тодорова со бронзен.
Кик лајт
-74 кг Димитар Ѓоргиев – Кристоф Каезер (Швајцарија) 2-1
-74 кг Димитар Ѓоргиев – Алекасндрос Вагијанос (Грција) 3-0
-74 кг Димитар Ѓоргиев – Марек Карлик (Словачка) 1-2
Ipon.mk/В.Д.
