Денеска во спортската сала Јордан Мијалков се одржа второто коло на Првата и Младинска лига во бокс. Го следеа околу 100 гледачи. И немаше што да видат. Во Штип дојдоа 35 боксери, ама не можеа да се спојат во категориите. Имаше три воведни борби и 8 во кадетска, јуниорска и сениорска конкуренција. Разочараа и штипските боксери.
Од 8 борби во официјална конкуренција, без воведните, пет средби завршија уште во првата рунда, поради техничка доминација на еден од боксерите, или прекин од страна на лекарот д-р Горѓи Стојчев. Најдобар впечаток остави Борче Ивановвски од Тигар- Делчево, кој е и кик боксер, а ова му беше втора борба во бокс и втора победа. Антионио Ташковски од Аперкат не му беше достоен противник. Денис Муаремовски, кој, исто така, остави добар впечаток.
За другите настапи на боксерите, или беа просечни, или под просекот за едно Лига првенство. Изненадува тоа што и денеска неколку екипи не се појавија, како Чаир, Шкендија бокс, Шкендија Нолимит, Јордан Мијалков ..
„Не сум задоволен од квалитетот на прикажаниот бокс.Разочаран сум што некои клубови го бојкотиораат првенството, иако БФМ и годинава и обезбеди добри услови и бенифити на клубовите“, рече Благој Донев, потпретседател на БФМ.
На првенството учествуваа 11 екипи, со еден или двајца боксери.
Воведни борби кадети
49 кг Енис Алиу-Огненовски-Ристо Тодоров Универзалци 0-2
51кг Мартин Алексовски АС- Рузгар Асановски Борец 2-0
Прва и Младинска лига 2.коло – Штип
Кадети
52 кг Елес Асанов Баргала – Дамјан Талимчи АС 3-0,
63 кг Трајче Илиоски АС – Алпај Демиров Баргала 2-1,
75 кг Никола Шипинковски А. Огненовски – Бојан Станоски АС 0-2 (прекин, Р1)
Јуниори
64 кг Ерај Мехмет Пинк Пантер- Рамон Казимов Пелистер 0-2
75 кг Мехах Амедовски АС – Ристе Ристов Пинк Пантер 2-0 (предадена, Р1)
81 кг Серген Демиров Баргала- Неби Бесар Шкупи 2-0 (прекин, Р1).
Сениори
69 кг Денис Муаремовски Пелистер- Емир Ибртаими Тернипе 2-0
75 кг Ангелчо Мицевски Тигар- Даниле Вретовски А. Огненовски 0-2
81 кг Антонио Ташковски Аперкат- Борче Ивановски Тигар 0-2 (предадена, Р1)
Ipon.mk/К.М.
