Ни делат нешто повеќе од две недели од настанот УФЦ 303. Конор Мек Грегор и Мајкл Чендлер треба да го предводат настанот во Лас Вегас, но нивниот меч останува под знак прашалник.
На почетокот на месецот имаше сериозни сомнежи по откажувањето на прес-конференцијата во Даблин. Веднаш почнаа шпекулациите за потенцијално откажување на натпреварот, но гласините брзо стивнаа и борбата се уште не е откажана. А Ариел Хелвани ја смири загрижената ММА јавност со изнесување „внатрешни“ информации и велејќи дека засега нема никаков проблем да се одржи таа борба. Сепак, Хелвани објави нова вест за најновата епизода од ММА час и се чини дека враќањето на Конор е во вистинска опасност да биде откажано или одложено.
„Минатата недела во понеделникот оптимизмот не беше на високо ниво. Имаше одредена загриженост и сомнеж, но веќе во средата во мојата емисија кажав дека ситуацијата е подобрена. Сè изгледаше позитивно и се чинеше како да избегнавме куршум“, започна Хелвани, а потоа додаде:
„Вчера наутро почнав да добивам нови информации. Мајкл Чендлер направи интервју кое требаше да ги расчисти сите грижи, но преку различни извори дознав дека УФЦ повторно контактира со некои борци за да скокнат како потенцијални замени. Тие контактираат со менаџери и борци, барајќи некој кој би можел да се вклучи за Мек Грегор или да послужи како резервна опција. Денес, една недела откако зборував за сето ова, позитивноста речиси целосно исчезна. Би рекол дека оваа борба е во одредена неизвесност. Борбата виси на конец и УФЦ работи многу напорно на планот Б. Планот Б е некој да се вклучи во борбата против Чендлер, а планот Ц е да се направи сосема нова борба“, откри Хелвани.
Ова засега е неофицијална информација која ја носи Ариел Хелвани, но потсетуваме, Ариел Хелвани повеќе од десет години по ред ја освојува наградата за најдобар ММА новинар во светот. Тоа е многу релевантен извор, но додека УФЦ официјално не го потврди откажувањето на мечот, се уште можеме да се надеваме на голема борба меѓу Мек Грегор и Чендлер. Но, извесно е дека постојат легитимни причини за загриженост.
