Јуниорската репрезентација отпатува на Европското првенство во борење во Букурешт, Романија, кое се одржува овој викенд во состав: Елмедин Сејфулаху (-55 кг), Ријад Реџепи (-60 кг), Адил Адили (-66 кг) треба да им се придружи од Франција, и Рамадан Мустафовски (-84 кг).
Сите ќе настапат во слободен стил. Тренер на репрезентацијата е Назми Али.
„Репрезентативците се подготвени, а со поволен жреб, очекувам добри резултати од Сејфулаху и Мустафовски, но верувам и во подготвеноста на Реџепи и Адили“, изјави Али.
Сепак, некои работи повторно функционираат по старо, бидејќи во Обединетото светското борење (ОБС/UWW) беа пријавени само Сејфулаху и Адили, а на подготовки во Бугарија одеа Елмедин и Ријад. Неизвесно е дали ќе се почитува договорот за распоредот на борачите по категории, како што вели техничкиот секретар на ФБСМ, Љупчо Лазаревски, зашто првите биле пријавени оти имале лиценци, а потоа прашале во ОБС дали ќе има проблем ако се пријават уште двајца борачи, за кои дополнително се извадени лиценци, од каде што одговориле дека нема да прават проблеми за настап. Лазаревски вели дека Реџепи треба да настапи во категоријата до 61 кг, а Адили до 66.
Според него и тренеро Али, изборот го направил Стручниот совет на ФБСМ, па Адили ако отпатува од Франција за Романија ќе настапи на ЕП.
Ipon.mk/В.Д.
