Мани Пакијао се уште е баран. Филипинската боксерска легенда во текот на кариерата се бореше со многу познати борци, но еден недостасува на неговата листа – Амир Кан.
Тие направија неколку рунди додека тренираа во салата „Вајлдкард“ на Фреди Роуч, но вистинска борба меѓу двајцата никогаш не се случи и покрај тоа што и двајцата беа во полусредна категорија.
Пакијао (62-8-2, 39 КО) ја имаше последна борба во полусредна категорија во август 2021 година кога загуби од Јорденис Угас, а оттогаш официјално не се пензионира.
Филипинецот ја истакна желбата да се врати, но и да настапи на Олимписките игри следната година во Париз. Следниот потег на Мани се уште не е познат, но британскиот боксер му кажал дека би бил многу среќен да влезе во рингот со него.
„Многу се зборува, но малку е направено. Има интерес од двете страни. Тимот на Мани сака меч, а Саудијците со задоволство би го договориле. Тоа би бил одличен настан. Борбата со Мани дефинитивно би ме мотивирала. Мислам дека би бил совршен“, изјави Амир Кан и додаде:
„Спариравме многу, знаеме многу еден за друг. Мојата последна борба против Кел не беше најдобрата борба за завршување на мојата кариера. Се чувствувам како да сум многу подобар од тоа“.
