Тајсон Фјури има само 35 години и е во цутот на силата, но неговиот промотер Боб Арум се сомнева дека можеби е при крај боречката кариера на „Џипси Кинг“.
Во новото интервју за Скај спорт Арум им даде надеж на навивачите за реванш за титулата во тешка категорија меѓу Фјури и Александар Усик. Луѓето губат надеж врз основа на неодамнешните коментари на Фјури, кој отфрли секаков интерес за борба со шампионот на ВБА, ИБФ, ВБО и ИБО.
Но, Арум ги отстранува сите сомнежи.
„Нема да биде тешко да се направи“, изјави Арум. „Ги познавам луѓето на Усик, тие се добри луѓе. Неговиот менаџер, неговиот промотер, тие се одлични луѓе. Самиот Усик е одлично момче. Мислам дека Фјури ја сака оваа борба. Мислам дека оваа борба ќе се случи и се надевам дека ќе се случи порано наместо подоцна“.
Колку скоро? Побргу отколку што мислите.
„Веројатно на почетокот на следната година, но тоа би можело да се случи веќе во декември“, тврди Арум.
Се зависи од тоа како ќе оди неговата борба со Френсис Нгану во октомври. Сите очекуваат Фјури да помине преку Предаторот, но можноста за повреда или потреба од време да се опорави од нивната борба е многу реална.
Арум додаде дека Фјури е при крај на кариерата и можеби нема да има уште многу борби во иднина.
„Би сакал да го видам да се бори со Усик“, изјави промотерот на Топ ранг. Мислам дека откако ќе се бори со Усик и ако претпоставиме дека ќе го победи Усик, тогаш мислам дека ќе направи победнички круг, можеби уште две борби и ќе ги остави помладите момци да ја преземат работата.
Фјури ги отфрла борбите со Усик и Ентони Џошуа, а исто така зборува и за борби во кафез со Џон Џонс. Дали сето ова е само играње со трикови на Фјури, или тој навистина не е заинтересиран да ги добие борбите што му се потребни за да го зацврсти своето боксерско наследство? Со Фјури никогаш не се знае, но се чини дека неговиот промотер постојано го турка за очигледни големи борби.
