Боб Арум, промоторот на Кубрат Пулев, верува дека Бугаринот може да се справи со Ентони Џошуа кои годинава ќе се борат за титулите во тешка категорија. Нивната средба требаше да се случи, но поради коронавирусот беше откажана и сè уште е нејасно кога точно ќе ги видиме во рингот.
Боб верува дека Кобрата има сериозна шанса за победа на мечот и го предупреди Џошуа да не го потценува.
„Ако Џошуа се фокусира на Тајсон Фјури и заборави дека има борба со Кубрат Пулев, тогаш тој, како Вајт, ќе биде нокаутиран. Пулев треба да го нокаутира Џошуа и да паднат мостовите во Лондон. Има многу пари во борбата меѓу Џошуа и Кубрат. Херн чека да види кога навивачите ќе можат да присуствуваат на гала вечерите. Да се надеваме дека може да ја организира битката пред навивачите.
Ако не, тогаш ќе треба да го направиме тоа и пред празни трибини. Пулев е мојот борец и го промовирам. Се надевам дека Херн ќе успеа да ја направи борбата во декември пред мала толпа на навивачи. Давам голема шанса на Кобрата против Џошуа. Тој е тврд борец кој може да зададе удари и ќе видиме. Верувам во победата на Пулев“, вели Арум.
