Боксер Филип „Темпирана бомба“ Ндоу (37-5, 34 КО), наводно физички нападнал четворица на Боксерската комисија на Јужна Африка, откако истата одбила да му издаде дозвола за настап.
Своевремно ривалот на Флојд Мејведер требало да се пресмета со Малави Чимвемве, но Комисијата на 39-годишниот Јужноафриканец одбила да му издаде лиценца од здравствени причини.
Но, тоа не го спречило Ндоу да се појави на официјалното мерење и да почне да тепа едно од службените лица, по што останатите членови на Комисијата интервенирле, но тие добиле по некој удар од очигледно лутиот боксер.
„Слушнав дека тој ден два пати ги барал од членовите на Комисијата. Потоа дојде на мерењето со традиционалното јужноафриканско оружје (knobkerrie). Пцуваше и викаше по мене. Рече дека со одбивањето да му дадеме лиценца сме му го уништиле животот. Рече дека ќе ме претепаа и дека Комисијата не може да преземе ништо, бидејќи нема лиценца. Потоа ме претепаа како што ми вети“, рече нападнатиот Арчи Њингва.
Ндоу во февруари е поразен со технички нокаут од Нтутуко Мемела и Комисијата одби да му издаде лиценца по препорака на лекарот кој работел во овој настан.
Боксерот и неговиот табор се извиниле за инцидентот, но Комисијата не ги прифати извинувањето и ќе поведе дисциплински мерки, а тројцата нападнати претставници го пријавија инцидентот во полиција, па така на Ндоу му се заканува некое време да помине и во затвор.
