Битолчани беа подобри во двојната пресметка со штипјани на првиот ММА турнир „Кејџ фајт“ синоќа во Струга.
Блажо Дардов со чоук од позади го совлада Мирза Сендиќ, а Филип Божиновски славеше против Хајрудин Сендиќ со КО. Или Ниџитцу клуб Битола-Самурај од Штип 2-0.
Блаже Дардов само што има наполнето 17 години и досега има 3 ММА победи со доста поикусни борци. Има злато во грапплинг, но ги има освојувано медали и на други турнири. Тој е носител на зелен појас во НК Битола во стилот „рју ха мацедониан ниџитсу“.
Филип Божиновски исто така со 17 години има позитивен скор во ММА- 2 победи и 1 пораз. Има освоено повеќе медали во џиу џицу. Носител е на зелен појас во НК Битола.
„Станува збор за добри борци од кои во иднина очекувам да остварат добри резултати, како на балканско така и на европско тло, и да ја претстават нашата Македонија во најдобро светло. Нашиот клуб е расадник за добри борци. По вчера прикажаните борби на борците на нашиот клуб, кои беа најатрактивни, поканети сме во Велес на ММА турнирот на 8 октомври во чест на загинатите бранители „Ноќта на незаборавните“, на кој се надевам ќе уцествуваме со повеќе наши борци“, истакана тренерот Сашко Мирчевски.
Ipon.mk/В.Д.
