Џордан Бароуз им се заблагодари на сите кои финансиски му помогнаа да стигне до уште едно Светско првенство во борење.
Потсетуваме, Американецот стана првиот борач од САД во слободен стил кој стигна до 5 светски титули (2011, 2013, 2015, 2017 и 2021 година). Историското достигнување дојде во невообичаена категорија за Бароуз – до 79 килограми во слободен стил. Досега има освоено медали и титули во категоријата до 74 килограми.
„Бидејќи оваа сезона се ближи кон крајот, сакам да одвојам малку време за да им се заблагодарам на спонзорите кои ме поддржаа на мојот пат до мојата шеста шампионска титула. За сите вас, можам целосно да се фокусирам на мојата цел да бидам најдобар борец во светот. Благодарам“, напиша легендарниот американски борач на својот Инстаграм профил.
Џордан Бароуз не успеа да се квалификува за Олимпијадата во Токио, губејќи во борбата во САД од Кајл Дајк, кој исто како Бароуз освои злато на Игрите во Токио, но во пониска категорија – до 74 килограми. Двајцата буквално ги заменија местата по категории.
Бароуз (33) не планира да се откаже од спортот. Неговата главна цел е да освои нова олимписка титула – на Игрите во Париз во 2024 година. Потсетуваме дека веќе има едно олимписко злато – од Лондон 2012 година.
Фото: Обединето светско борење
