Баколе се испречи за мечот меѓу Хрговиќ и Јока

На Филип Харговиќ изгледа не му оди најдобро во наоѓањето ривали. Хрватот е на прагот да стане официјален предизвикувач за титулата во тешка категорија на ИБФ. Сепак, за да дојде до оваа позиција, прво мора да најде противник со кого да боксира.

Долгоочекуваниот меч меѓу Харговиќ и олимпискиот шампион Тони Јока е на работ на неуспех. Причината е што Французинот веќе договорил пресметка со Мартин Баколе. Тие требаше да се сретнат на 15 јануари во Париз, но предметниот меч пропадна поради ограничувањата против коронавирусот.

Проблемот за Јока е што се уште има договор со Баколе. За да ја изведе спорната пресметка со Харговиќ, Французинот ќе треба да се разбере со конгоанскиот боксер.

Збор ќе има и ИБФ. Доколку организацијата застане на страната на Тони, тогаш договорот на Баколе ќе биде откажан. Меѓутоа, доколку тоа не се случи, Харговиќ ќе мора да бара нов противник за титулата „предизвикувач број 1“.

Хрватот и Јока имаат сметки за подмирување. Французинот го освои златото на Игрите во Рио во 2016 година, откако забележа контроверзна победа над Харговиќ во полуфиналето, оставајќи му ја бронзата.

ПОВРЗАНИ ВЕСТИ

ПОПУЛАРНО