Бадр Хари едвај чека да влезе во рингот во Белгија. Мароканската ѕвезда неодамна потпиша нов долгорочен договор со Глори и ќе се врати во март. „Голден бој“ ќе има реванш-меч со Аркадиуш Вжосек на Глори 80 на 19 март во Белгија.
Во септември минатата година ја видовме нивната прва борба. Во неа Бадр водеше и го испрати Полјакот 3 пати во нокдаун. Бадр тргна во потрага по нокаут и му дозволи на Вжосек да зададе хај-кик и да го нокаутира во втората рунда.
Неодамна, Вжосек изјави за Глори дека ударите на Хари биле силни, но не доволно силни за да го нокаутира. Ова го испровоцира Бадр да му одговори и напиша:
„Некој доби на лотарија во нашата прва борба и време е да го потсетиме неговото слабо тело колку силно го удрив.
Имам прекрасни спомени од мојата последна битка во Белгија, едвај чекам да ја видам мојата армија таму. Белгијо, биди подготвена“!
