Мите Ашкилов викендов имаше меч со Александар Бедрац од Словенија, како дел од финалниот турнир на Лигата на Словенија во мај тај во категоријата до 81 килограм. Ашкилов го загуби мечот со прекин, но со недозволен удар во тилот.
„Во мај тај не е дозволен удар во тилот . Но, судиите не го санкционираа тоа, затоа што Бедрац е нивен борец“, изјави Ашкилов за ipon.mk.
Инаку, минатото коло Ашкилов го победи Словенецот.
Нема време за жалење, бидејќи при крајот на овој месец Мите Ашкилов има борба во Бугарија. Или, како што вели Мите, „нема борба нема победа“.
