Нема да има трет меч помеѓу Тајсон Фјури и Дионтеј Вајлдер, а договорот за тоа истече, категоричен е Боб Арум.
Шефот на Топ ранг, кој се грижи за интересите на „Кралот на Ромите“, категорично ги отфрли тврдењата на менаџерот на Вајлдер дека мечот се уште е на дневен ред. Според Шели Финкел, „Бронзениот бомбардер“ е сигурен противник на Фјури, но Арум уште еднаш ја исклучи оваа можност.
„Ова апсолутно не е точно. Немам претстава за што зборува. Фјури има адвокат во Велика Британија – Роберт Дејвис. Тој го прочита договорот. Договорот е истечен. Чисто е. Шели може да каже што сака. Чудно, последен пат разговарав со Шели за време на средбата во која Вајлдер загуби. Оттогаш не сме се слушнале“, рече Арум.
