Хравтот Анте Делија оваа сезона нема да го брани шампионскиот појас во ПФЛ. Хрватскиот борец со едногласна одлука го победи Американецот Морис Грин на настанот ПФЛ 5 во Елит арената во Атланта, но тоа не беше доволно за полуфинале.
Тоа беше негова петта победа во низа.
Имено, на Анте му беше потребна победа во првата рунда за да остане на турнирот. Делија во првото коло требаше да се бори со Јорган де Кастро, но поради повреда го откажа настапот.
Дубровчанецот веднаш ја окупираше средината на октагонот и трпеливо ја чекаше приликата. По две минути тестирање на силите, Анте го фати Морис на оградата, но не можеше да го собори.
Во последната минута хрватскиот борец се обиде да му се закани на противникот со боксерски комбинации, но Американецот остана на нозе.
На почетокот на втората рунда Делија го соборуваше Грин, но не ја заврши работата.
Хрватот продолжи да доминира и во последната рунда. Анте успеа да го собори Морис и ја задржа челната позиција до крајот на мечот. Домашниот борец добро се бранеше.
На крајот Анте победи со судиска одлука и за тоа доби три бода, кои не беа доволни за полуфинале.
Денис Голчов брзо си ја заврши работата. Рускиот борец го нокаутира Јорган Де Кастро за само 18 секунди и со тоа ја постигна четвртата победа во низа.
Во првото коло со прекин го совлада Цезар Фереира, исто така во првата рунда.
Голчов со две убедливи победи влезе во финалето на турнирот во тешка категорија.
А Ренан Фереира беше убедлив. Бразилецот со нокаут по 50 секунди го победи сонародникот Матеус Шефел.
Полуфиналето го добија и Марсело Нунес и Џордан Хајдерман, а и двајцата победија со нокаут во првата рунда. Нунес го совлада Данило Маркез, а Хајдерман беше подобар од Патрик Брејди.
Хајдерман и Брејди влегоа како замени за Бруно Капелоца и Ризван Куниев, кои беа суспендирани поради допинг.
Внукот на боксерската легенда Мухамед Али убедливо извојува нова победа, четврта по ред. Бјаџо Али Волш го победи Травел Милер со нокаут во првата рунда.
А полуфиналисти во перо категорија се Лариса Пачеко, Марина Мохнаткина, Амбер Лајброк и Олена Колесник.
Во конасловната борба Лариса Пачеко ја победи Амбер Лејброк со прекин во првата рунда, додека Марина Мохнаткина ја совлада Евелин Мартинс со едногласна одлука на судиите.
Резултати од настанот ПФЛ 5:
Анте Делија – Морис Грин – едногласна одлука (29–28, 29–28, 29–28)
Лариса Пачеко – Амбер Лајброк – ТКО (удари), Р1 (0:45)
Ренан Фереира – Матеус Шефел – КО (удар), Р1 (0:50)
Бјаџо Али Волш – Травел Милер – КО (удари), Р1 (1:27)
Аспен Лад – Каролина Собек – завршница (армбар), Р2 (4:57)
Воведни борби:
Денис Голчов – Јорган Де Кастро – КО (удар), Р1 (0:18)
Марина Мохнаткина – Евелин Мартинс – едногласна одлука (30–27, 29–28, 29–28)
Марсело Нунес – Данило Маркез – КО (удари), Р1 (3:40)
Џулија Бад – Мартина Јиндрова – едногласна одлука (29–28, 29–28, 29–28)
Олена Колесник – Јоко Хигаши – едногласна одлука (30–27, 30–27, 30–27)
Џордан Хајдерман – Патрик Брејди – ТКО (вербална завр.), Р1 (2:26)
Исаја Пинсон – Дензел Фримен – поделена одлука (28–29, 29–28, 29–28).
