Поранешниот шампион на ВБА и ИБФ во полутешка категорија Амир Хан (34-6) изјави дека ќе се врати во боксот.
Хан се пензионира во 2022 година по поразот од сонародникот Кел Брук (40-3). 36-годишниот Британец тврди дека ќе боксира со едно од најголемите имиња во боксот. Локацијата на нивната борба може да биде Дубаи.
„Ќе има голема најава следната недела. Можеби повторно ќе се вратам во рингот. Ќе биде голема борба. Договорот беше толку привлечен што не можев да одбијам. Па повторно ќе се вратам во теретана и ќе тренирам.
Тоа ќе биде огромна битка. Засега не можам да објавам ништо, но ќе зачекорим во рингот со едно од најголемите имиња во боксот. За оваа борба досега многупати се зборуваше. Мислам дека Дубаи ќе му одговара.
Двете страни потпишаа договор. Нема да го откријам мојот противник, но тој ќе лета за Дубаи следната недела. Се надеваме дека ќе одржиме прес-конференција и ќе ја објавиме борбата“, рече Хан за Бокс сошл.
Како аматерски боксер, Хан на 17-годишна возраст освои сребрен медал во лесна категорија на Олимписките игри во 2004 година, со што стана најмладиот британски олимписки медалист во бокс. Во 2007 година беше прогласен за перспективен боксер на годината на ЕСПН.
Подоцна стана еден од најмладите британски професионални светски шампиони, освојувајќи ја титулата ВБА на 22-годишна возраст. Останува да видиме кој ќе биде противникот на Хан.
View this post on Instagram
