Американскиот боксер со порториканско потекло Едгар Берланга ја продолжи победничката серија.
Непоразениот Берланга на боксерскиот настан во Њујорк со едногласна одлука на судиите го совлада Колумбиецот Алексис Ангуло и со тоа стигна до 20 победи во кариерата.
Но, посебно внимание на љубителите на боксот го привлече настанот за време на мечот кога Едгар се обиде да го гризне противникот и неговиот обид беше снимен од камерите.
Берланга во стилот на Мајк Тајсон сакаше да го гризне Ангуло кој ја насети намерата на противникот и навреме се повлече.
На спектаклот во 1997 година „Железниот Мајк“ му одгриза парче од десното уво на Ивандер Холифилд.
Американецот на крајот победи со убедлива одлука на судиите (98-92, 99-91, 99-91).
Берланга ги доби првите 16 натпревари со нокаут, а последните четири победи ги решија судиите.
— sportsvids99 (@sportsvids991) June 12, 2022
