Љубителите на боксот ги одбројуваат деновите до големиот спектакл што ќе се одржи на 17 февруари во Саудиска Арабија, кога во мечот за титулата апсолутен светски шампион во тешка категорија ќе се соочат Тајсон Фјури и Александар Усик.
Украинецот признава дека Кралот на Ромите дошол на неговиот радар по победата над неговиот сонародник Владимир Кличко. Во ноември 2015 година Фјури ја прекина доминацијата на Кличко и за прв пат стана светски шампион.
По освојувањето на полутешка категорија Усик се пресели во тешка категорија, каде што победи, а потоа ги одбрани шампионските појаси во тешка категорија на ВБА, ВБО и ИБФ против Ентони Џошуа. Минатата година во август ја одбрани титулата во меч со Даниел Дубоа.
За дваесетина дена го очекува најголемиот меч во кариерата за кој вели дека се подготвувал долго време.
– За оваа борба се подготвувам неколку години, откако го победи Владимир Кличко. Тогаш не знаеше за мене затоа што не бев познат, но од самиот почеток се подготвував за него и за Ентони Џошуа. Откако станав професионалец се подготвувам за тој дуел“, изјави Александар Усик.
Но, Фјури не е вознемирен од предупредувањата кои доаѓаат од Украинецот. Последниот настап на Џипси Кинг против Френсис Нгану разочара многумина.
Поранешниот шампион на УФЦ во тешка категорија му зададе тешкотии на ВБЦ шампионот, кој дури во третата рунда падна во нокдаун. Фјури победи на крајот, но фрли и сенка на сомнеж врз неговата форма.
Британецот тврди дека пет недели му се доволни да се подготви против Усик или само Фјури игра умствени игри на кои сите веќе се навикнати.
Но, доколку не се подготви добро, Фјури би можел да има тешка ноќ.
„За овие борби тренирам четири или пет недели. Не е точно дека за Вајлдер се подготвував 12 недели“! истакна Тајсон Фјури и подвлече:
„Четири или пет недели се сосема доволни. И колку е потребно? Три или четири недели спаринг и една недела одмор, и готово. Цел живот боксираме! Сигурен сум дека нема да заборавиме да боксираме, а тоа не е фитнес натпревар. За подготовка не ви требаат повеќе од пет недели“.
