Ѕвездата во подем на УФЦ, Александар Ракиќ, сака да се бори за титулата во во полутешка категорија. 29-годишниот борец е во серија од две последователни победи над двајца поранешни предизвикувачи Ентони Смит и Тијаго Сантос.
Ракиќ ги победи со одлука на судиите, но не доби ветување од Дана Вајт дека ќе добие шанса за појасот. Ова не е случај со Јиржи Прохаска, кој исто така совлада двајца поранешни предизвикувачи, но со тежок нокаут. Од Вајт доби збор дека ќе се бори за титулата со Јан Блахович.
На крајот на септември, Јан ќе го брани појасот против Гловер Тешеира. Ракиќ победи во шест од неговите 7 борби во УФЦ и верува дека борбата со Блахович е прашање на време.
„Мислам дека во смисла на стил, Јан Блахович е подобра борба за мене од Тиаго Сантос. Јас сум најбрз во категоријата. Многу години сум во спортот. Со кик бокс започнав на 13 години, а на 14 ја водев првата борба. Во мојата прва борба се борев на 68 килограми. Секогаш имам брзина и сум агилен.
Ќе биде тешка битка, но секој ден станувам се подобар. Тренирам и имам многу добар тим. Ги снимавме моите тренинзи, а потоа ги гледавме. Моите тренери внимаваа на работите и веднаш кажуваа дали мислат дека можам да направам нешто подобро. Следниот ден го трениравме.
После секоја моја средба, гледате подобра верзија на Ракиќ. Имам сè повеќе борбен коефициент на интелигенција, подобра форма и смирен сум. Прашање на време е кога ќе го нокаутирам или совладам Блахович. Работам многу напорно и мислам дека ќе се бориме добро со Блахович“, изјави Ракиќ за можната средба со Блахович.
.
