Хамзат Чимаев требаше да настапи на саботниот голем УФЦ настан во Саудиска Арабија, но на непоразениот Чеченец тешко му се слоши и заврши во болница.
Роберт Витакер веднаш доби замена борец, а ќе се бори со Дагестанецот Икрам Алискеров на настанот УФЦ на АБЦ 6 во Ријад.
Никој не знае што се случува со Борз и каква е историјата на оваа болест, но за време на подготвителниот камп често ја посетувал болницата.
Тренинг партнерот на Хамзат и поранешен предизвикувач во полутешка категорија Александар Густафсон се обиде да објасни какви здравствени проблеми има чеченскиот борец.
„Едноставно се разболува. Нешто во неговото тело реагира на напорниот тренинг. Отсекогаш бил најголемиот работник во салата. Сега лекарите треба да направат некакви тестови за да откријат што ги предизвикува проблемите на Хамзат. Ова секогаш се случува за време на напорен тренинг. Се надевам дека ќе откријат за што се работи и ќе го решат проблемот“, рече Александар Густафсон и продолжи:
„Многу лесно настинува со малку поизразени симптоми. А кога ќе го зголеми интензитетот на тренинзите неговото тело веднаш реагира поинаку, што беше случај неодамна. Тој е многу болен и не се чувствува добро. Беше исфрустриран, се подготвуваше за голема борба, а потоа мораше да го откаже настанот. Сега му е многу тешко, но добро го познавам, ќе го реши проблемот и ќе се врати посилен“.
Здравствените проблеми се појавија за време на пандемијата кога долго време се опоравуваше од последиците од инфекцијата со КОВИД-19 и оттогаш Хамзат Чимаев е подложен на болести.
