Анте Делија договори нова борба во УФЦ, се враќа во акција на настанот во Белград

Хрватскиот ММА борец Анте Делија се согласи на четврта борба во УФЦ. Дубровчанецот на 1 август ќе се врати во октагонот на најголемата светска ММА организација на настан во Белград.

Противник на Делија ќе биде бразилскиот борец Џони Вокер со професионален скор од 22 победи, десет порази и една откажана борба. Досега се борел во полутешка категорија, а за оваа борба ќе се искачи една погоре.

Тој пристигна во УФЦ во 2018 година и привлече големо внимание со три победи по ред со нокаут во првата рунда. Многумина го гледаа како идна ѕвезда во категоријата во тоа време, но не ги оправда очекувањата.

Најчесто губел во борби против најдобрите полутешкаши, па затоа неговиот скор во УФЦ моментално е – осум победи, седум порази и една откажана борба. Преминувањето во тешка категорија е обид да ја оживее неговата кариера.

Делија има кариерен скор од 26 победи и осум порази. Во дебито во УФЦ го нокаутира Марчин Тибура. Потоа следеше контроверзен пораз од Валдо Кортез-Акоста, а во последниот настап во февруари загуби со едногласна одлука од Сергеј Спивак.

Потврден е и мечот меѓу српскиот тешкаш Јован Лека и Макс Гименис. Веќе е познато дека Урош Медиќ ќе се бори против Даниел Родригез, Александар Ракиќ против Марчин Тибура, Душко Тодоровиќ против Роберто Валентино и Власто Чепо против Жилберто Урбина.

Bringing the big boys to Belgrade 😤 👊 #UFCBelgrade

🇭🇷 Ante Delija vs @JohnnyWalker 🇧🇷
🇷🇸 Jovan Leka vs Max Gimenis 🇧🇷

Tickets on sale this FRIDAY 🎟️ Register your interest 🔗 ➡️ https://t.co/zbioyeUGsT pic.twitter.com/hhoxcxeuAF

— UFC Europe (@UFCEurope) May 26, 2026