Арман Царукјан го предизвика Чарлс Оливеира
По победата над Мухамед Мокаев, борецот на УФЦ објави дека е во потрага по следната голема борба
Арман Царукјан му упати предизвик на Чарлс Оливеира откако на турнирот во граплинг „Хајп Бразил“ го победи со завршница Мухамед Мокаев.
По неговата победа, Царукјан го доби и шампионскиот појас на „Хајп ФЦ“. Во интервјуто по борбата, тој изјави дека неговата крајна цел останува титулата во УФЦ, но доколку организацијата наскоро не му понуди борба, ќе продолжи да учествува на други турнири за да остане активен. Царукјан, исто така, ја искористи можноста да го предизвика новиот носител на БМФ појасот, Чарлс Оливеира, бидејќи шампионот во лесна категорија Илија Топурија и привремениот шампион Џастин Гејџи ќе се соочат на УФЦ Фридом 250, кој ќе се одржи на 14 јуни во Белата куќа.
Последната борба на Царукјан во УФЦ беше во ноември на УФЦ Фајт најт 265, кога го победи Ден Хукер со завршница во втората рунда. Оттогаш, борецот учествуваше на неколку турнири во борење и граплинг додека чекаше следниот повик од УФЦ. Сепак, тоа може да се оддложи откако претседателот на организацијата Дана Вајт постојано навестуваше дека не е особено импресиониран од сегашниот кандидат број 1 поради неговите минати постапки.
