Лонер Кавана на жешката мексиканска територија го победи поранешниот шампион Брендон Морено

Англичанецот Лонер Кавана храбро влезе на територијата на противникот и по пет брилијантни рунди излезе со најголемата победа во кариерата.

Лондончанецот на настанот УФЦ Фајт најт 268 во Арената ЦМДХ во Мексико Сити со едногласна одлука го победи поранешниот двократен шампион во мува категорија Брендон Морено.

Против Мексиканецот Кавана покажа вистинска смиреност и цврст план за постигнување голема победа, а ја изгради со жестоки удари, нанесувајќи максимална штета.

Брилијантно ги комбинираше ударите и го раскрвави Морено, кој немаше решение за исклучително подготвениот противник. Домашниот борец доби добар ќотек за 25 минути.

На крајот, судиите ја оценија борбата во корист на Англичанецот со 49-46, 48-47 и 48-47, па Кавана го победи Морено во сопствениот двор.

Lone’er Kavanagh def. Brandon Moreno via unanimous decision #UFCMexicoCity
pic.twitter.com/le5jB7MVAR

— MMA UNCENSORED (@MMAUNCENSORED1) March 1, 2026

„Живеев за овие легендарни моменти, и тоа го кажав пред борбата. Брендон е легенда. Двоен светски шампион. Јас сум негов голем обожавател. Како дете ги гледав неговите борби. Борбата со него беше неверојатна“, рече Лонер Кавана.

Тоа беше четвртиот меч на англискиот борец во УФЦ и трета победа (десетта вкупно), и втор пораз на Морено по ред и четврт во последните шест борби.

Во конасловната борба Дејвид Мартинез со едногласна одлука во тесен меч го победи поранешниот предизвикувач Марлон Вера, што беше негов четврти пораз по ред.

All three rounds have been completely controlled by David Martinez
The speed, the distance management, and the tempo are all in his hands. 🎯🔥 #UFCMexico pic.twitter.com/uCzwOaZud9

— Razed MMA (@RazedFighting) March 1, 2026

Резултати од УФЦ Фајт најт 268:

Лонер Кавана – Брендон Морено – едногласна одлука (49–46, 48–47, 48–47)
Дејвид Мартинез – Марлон Вера – едногласна одлука (29–28, 29–28, 29–28)
Кинг Грин – Даниел Зелхубер – технички нокаут (удари), Р2 (4:55)
Едгар Чаирез – Фелипе Бунес – поделена одлука (29–28, 28–29, 29–28)
Иманол Родригез – Кевин Борјас – ТКО (удари), Р2 (4:21)
Сантијаго Луна – Анхел Пачеко – едногласна одлука (30–27, 30–27, 30–27)

Прелиминарни борби:
Рајан Гандра – Хозе Медина – ТКО (удари), Р1 (0:41)
Аилин Перез – Мејси Киасон – едногласна одлука (29–28, 29–28, 29–28)
Кристијан Кињонез – Крис Мутињо – едногласна одлука (30–27, 30–27, 30–27)
Хавиер Рејес – Даглас Силва де Андраде – ТКО (удари), Р1 (4:59)
Регина Тарин – Ернеста Карецкаите – едногласна одлука (30–27, 30–27, 29–28)
Френсис Маршал – Ерик Силва – завршница (гушење одзади), Р1 (2:29)
Демијан Пинас – Весли Шулц – ТКО (тупаници), Р1 (2:30).