Тајсон Фјури: Утрешниот ден е мистерија, мора да живееме за денес
Утрешниот ден е мистерија, мора да живееме за денес. И решив да се вратам на боксот затоа што тоа е нешто што го сакам, објасни легендарниот боксер.
Британскиот боксер Тајсон Фјури го шокираше спортскиот свет откривајќи ја вистинската причина за неговото враќање во рингот.
Не станува збор првенствено за желба за титули, туку за егзистенцијален увид предизвикан од трагедијата на неговиот ривал и сонародник, Ентони Џошуа. Фјури, кој се пензионира минатата година по два порази од Aлександaр Усик, реши повторно да се бори откако Џошуа загуби двајца блиски пријатели во сообраќајна несреќа во Нигерија.
Одлуката на Фјури да се врати од пензија дојде откако дозна за несреќата на неговиот ривал. Ентони Џошуа беше вмешан во сообраќајна несреќа во Нигерија, од која излезе само со полесни повреди, но неговите блиски пријатели и членови на тимот, Сина Гами и Латиф Ајоделе, починаа на местото на несреќата.
Настанот го потресе светот на боксот и го потсети „Ромскиот крал“ дека животот е минлив.
„Добив повик за трагедијата и ме натера да сфатам дека утре можеби никогаш нема да дојде“, рече Фјури.
Фјури, кој минатата година ги закачи ракавиците по петти пат, нагласи дека нема смисла да се одложуваат работите.
„Утрешниот ден е мистерија, мора да живееме за денес. И решив да се вратам на боксот затоа што тоа е нешто што го сакам“, објасни легендарниот боксер.
Тој ќе се врати на рингот на 11 април 2026 година на стадионот „Тотенхем Хотспар“ во Лондон. Негов противник ќе биде опасниот Арсланбек Махмудов. Ова ќе биде првата борба на Фјури по двата порази од Украинецот Александар Усик, што ги стави првите гребнатини на неговиот претходно беспрекорен скор.
View this post on Instagram
