Волкановски полесен од Лопез пред реваншот на УФЦ 325

37-годишниот актуелен шампион во перо категорија на УФЦ, Австралијанецот со македонски корени, Александар Волкановски, и вториот во рангирањето до 66 кг, Диего Лопез, успешно го поминаа официјалното мерење пред борбата што ќе биде на чело на турнирот УФЦ 325 на 31 јануари во Сиднеј, Австралија.

Волкановски пријави 65,54 кг, додека Лопез беше 65,77 кг, што значи минимална предност во тежината за шампионот.

Ова ќе биде реванш за двајцата. Нивниот прв судир се одржа во април 2025 година на УФЦ 314 во Мајами и траеше сите пет рунди, при што Волкановски победи со едногласна одлука.