Поранешниот светски шампион во средна категорија Генади Головкин – ГГГ официјално стана нов претседател на Светската боксерска организација, како што се очекуваше.
Светскиот боксерски собир во Рим беше несомнено очекуван – ГГГ беше единствениот предложен кандидат, а неговиот избор беше едногласно одобрен. Тој го наследува Холанѓанецот Борис ван дер Ворст, кој одлучи да не се кандидира за втор мандат.
„Мојата мисија е да ја зачувам олимписката иднина на боксот, да изградам доверба и да ги поддржам спортистите, тренерите и федерациите во нивните напори за развој на нашиот спорт“, рече 43-годишниот Казахстанец по неговиот избор.
Головкин, исто така, ја нагласи главната цел на организацијата под негово водство: „Треба да постигнеме целосно признание од МОК и да го потврдиме присуството на боксот на Олимписките игри – во Лос Анџелес во 2028 година, во Бризбејн во 2032 година и понатаму“.
Потсетуваме дека на почетокот на 2025 година Светската боксерска организација (Светски бокс/ World boxing) доби официјално признание од Меѓународниот олимписки комитет – клучен чекор за иднината на овој спорт.
Фото: World boxing
