Сирил Гане пред борбата со Том Аспинал: Ова е мојот момент!
Сирил Гане е решен да се докаже. На 25 октомври ќе се соочи со Том Аспинал во Абу Даби за титулата на УФЦ во тешка категорија. И покрај неговата историја на порази во партер, Гане сака да покаже дека научил од своите грешки. Французинот претходно загуби од Френсис Нгану и Џон Џонс, од двајцата преку контрола на партер.
Тоа покрена сомнежи за неговите вештини во борење и граплирање. Но, Гане вели дека работи напорно на нив. Сирил признава дека не секогаш можел добро да ја демонстрира бробата на партер во минатото. Сепак, нагласува дека сега е целосно подготвен.
„Некои луѓе мислат дека никогаш не сум работел на мојата борба на партер, но тоа не е вистина. Имам силен тим зад мене. Мојот тренер, Фернанд Лопез, и јас тренираме заедно долго време. Овој пат ќе го покажам тоа“, рече тој.
Аспинал влегува во оваа борба за титулата како актуелен привремен шампион во тешка категорија на УФЦ. Тој е познат по своите брзи нокаути, но и по изненадувачката силна борба на партер. По кратка пауза во јануари и февруари, Гане се врати на целосен тренинг од март.
Французинот вели дека е фокусиран на едно нешто: освојување на титулата во тешка категорија.
„Не се расејувам, тренирам секој ден. Нема фудбал, нема излегување, само тренинг. Секој може да види колку сум фокусиран. Ова е мојот момент“, рече Гане.
Според Гане, Том Аспинал знае што да очекува.
„Том знае дека се борам поинаку од повеќето тешкаши. Тој ќе се адаптира, сигурен сум во тоа“, заклучи Сирил.
Гане нема сомнежи за своите шанси. Верува дека неговиот стил може да направи разлика. Борбата за титулата во тешка категорија веќе ветува дека ќе биде една од највозбудливите во годината.
View this post on Instagram
