Усик од ВБО доби 90-дневно одложување на преговорите, Паркер на 25 октомври се бори против Вордли

Апсолутниот шампион во тешка категорија Александар Усик требаше да му достави на ВБО нов медицински доказ за повреда на грбот откако видео на кое танцува стана вирално на социјалните мрежи.

Имено, непоразениот Украинец побара одложување на преговорите за мечот против привремениот шампион на ВБО и следен предизвикувач, Џозеф Паркер, поради здравствени проблеми.

Покрената е истрага, која заврши многу брзо, а ВБО соопшти дека на барање на тимот на Усик, од медицински причини, е одобрено одложување на преговорите за 90 дена.

Џозеф Паркер, привремениот шампион во тешка категорија на ВБО, ќе го брани појасот во тој период.
Александар Усик мора да се бори со привремениот шампион на ВБО и нема да му бидат дозволени никакви преговори за меч против друг противник.

Доколку Усик не ја почитува таа одлука, Комитетот е овластен да покрене дисциплинска постапка, се вели во соопштението на ВБО, а тоа значи дека организацијата би можела да му го одземе појасот на светски шампион.

Со ова се потврди дека 38-годишниот Усик останува шампион во тешка категорија на ВБО, а Џозеф Паркер ќе се бори против Фабио Вордли на 25 октомври во Лондон.

Британскиот боксер во тешка категорија стигна до привремената титула на ВБА во јуни кога го нокаутира Јустис Хуни во десетата рунда.

Сега има шанса да го прескокне редот ако го победи Новозеландецот и победи во потенцијална пресметка за четири појаси против Усик.

Но, тоа нема да биде лесна задача со оглед на тоа што Паркер е во одлична форма во моментов.
Во последните три борби има три импресивни победи против Дионтеј Вајлдер, Жилеј Жанг и Мартин Баколе.

Паркер во февруари требаше да се бори за светската титула на ИБФ против Даниел Дубоа, но Британецот се откажа поради болест два дена пред настанот.,