Менаџерот на Паркер: Џозеф би сакал да боксира со Усик и да изгуби отколку да стане шампион без борба
Александар Усик е актуелен неприкосновен шампион во тешка категорија, откако неодамна по втор пат со нокаут во петтата рунда го победи Даниел Дубоа.
Непоразениот Украинец покажа интерес за борба со неколку борци по мечот, вклучувајќи трилогии со Тајсон Фјури и Ентони Џошуа, како и меч против привремениот шампион на ВБО, Џозеф Паркер.
Недолго по триумфот на Усик, дојде наредба од ВБО дека украинскиот борец мора да го брани појасот против големиот Новозеландец, кој е во одлична форма.
Имено, во последните три меча, Паркер ги победи Дионтеј Вајлдер, Жилеј Жанг и го победи Мартин Баколе со технички нокаут во втората рунда.
Но, ако Усик не се согласи на борбата со Паркер, тогаш ВБО би можел да му го одземе појасот на Украинецот, а оваа информација ја потврди и долгогодишниот менаџер и промотор на Паркер, Дејвид Хигинс.
„Во разговор со Френк Ворен, ми беше кажано дека немало никаков контакт со тимот на Усик. Тоа беше пред неколку дена. Мислам дека Усик веќе би започнал преговори ако сакаше да ја брани титулата“, рече Дејвид Хигинс и продолжи:
„Џозеф би сакал да влезе во рингот со Усик и да изгуби отколку титулата да му биде доделена на маса. Но, ако дојде до тоа, нема да го одбие појасот. Но, тој би сакал да му каже на Усик, кој го следеше истиот пат – олимписко злато, а потоа ги освои полутешка и тешка категорија – ако некој може да цени што значи да се заработи борба, тоа е тој. Усик треба да знае дека Паркер заслужува шанса“.
Паркер е поранешен шампион на ВБО и заслужува борба за титулата, но тој верува дека сè уште има големи борби за борецот од Нов Зеланд.
„Џозеф го заработи својот статус на предизвикувач на правилен начин, преку години работа, победи над врвни борци и без маркетиншки кратенки. Штета е што во денешниот бокс не можете да добиете шанса за светска титула врз основа на спортски резултати. Ако Усик ја одбие борбата, тогаш Џошуа треба да прифати борба против Паркер за испразнетата титула“, нагласи Дејвис Хигинс.
