Каратистите на Макпетрол ќе настапат на Карате 1 Премиер лигата во Рабат, Мароко

На последниот четврти турнир од светската Карате 1 Премиер лига, кој ќе се одржи во Рабат, Мароко, Македонија ќе ја претставуваат репрезентативците Петар Спасеновски -84 кг и Стафан Стојановиќ+84 кг. Двајцата македонски каратисти се стандардни сениорски репрезентативци и во моментов се најдобро рангирани на Светската ранг-листа, тие се докажани повеќекратни европски и светски медалисти.

Македонските каратисти се единствените кои обезбедија норма да бидат учесници на најсилната Светска карате лига, тие се во најдобрите Топ 32 рангирани каратисти, на ранг-листата на ВКФ (Светската карате федерација), што е главен критериум и предуслов за учество на Карате 1 Премиер лигата во Рабат, Мароко.

Со најдобрите Македонски каратисти и на овој свески натпревар ќе биде тренерот на Макпетрол Петар Заборски, тој поради повреда која ја санира, нема да учествува на завршниот турнир од лига натпреварите за оваа година.

Натпреварите започнуваат во петок,  а завршуваат во недела на 1 јуни.

На Премиер лигата настапуваат Топ 32-најдобри натпреварувачи во светот во секоја тежинска категорија. Во елиминацискиот дел секој спортист има три задолжителни борби во својата група. Потоа само прворангираниот ги продолжува борбите во четвртфиналето. Светската Карате 1 Премиер лига е највисоко рангиран натпревар со најквалитетна конкуренција на спортисти.

Во Мароко ќе учествуваат вкупно 373 елитни спортисти од 63 држави.