Александар Усик сега има 38 години, а по долгата и успешна аматерска кариера што кулминираше со златен медал на Олимписките игри во Лондон во 2012 година, тој стана професионалец.
Оттогаш, ги доби сите 23 професионални борби. Тој стана апсолутен шампион во полутешка категорија, а потоа го стори истото и во тешка категорија со две победи на поени над Ентони Џошуа, како и Тајсон Фјури, и нокаут против Даниел Дубоа.
Борбата со „ДДД“ се одржа во август 2023 година во Полска и беше обележана со контроверзии бидејќи Усик падна по силен удар во телото што судијата го оцени како премногу низок.
Му беше дадено максимално дозволено време за закрепнување, а подоцна во деветата рунда го запре Дубоа, кој сега е актуелен шампион на ИБФ. Двајцата повторно ќе се соочат ова лето на 19 јули за апсолутната титула во тешка категорија во Лондон.
Пред борбата, во интервју за „Мејл спорт боксинг“ минатата недела, Усик беше прашан кој би победил во борба меѓу него и боксерската легенда Мајк Тајсон. Украинецот не се двоумеше:
„Мајк Тајсон“, веднаш изјави Усик.
Тајсон беше познат по тоа што ги нокаутира своите први 19 противници, од кои 12 во првата рунда, и стана најмладиот светски шампион во тешка категорија и апсолутен владетел од 1987 до 1990 година.
Тој ја заврши кариерата со 58 борби и 50 победи, но се врати на рингот во ноември минатата година во лош обид за враќање, губејќи убедливо на поени од Џејк Пол, кој е двојно помлад од него.
