Шампионот на УФЦ во перо категорија (до 65 кг) Илја Топурија рече дека не се сомнева во неговата победа против Ислам Махачев.
Илја Топурија има 28 години. Грузискиот борец се натпреварува во УФЦ од 2020 година. Во февруари 2024 година на УФЦ 298 Топурија стана шампион, нокаутирајќи го во втората рунда Австралиецот со македонско потекло Александар Волкановски.
Во неговата последна борба на УФЦ 308 во Абу Даби (ОАЕ), тој во третата рунда го нокаутира Макс Холовеј, правејќи ја првата одбрана на титулата. Топурија моментално е во Австралија за да биде во аголот на неговот брат Александар, кој ќе се бори со Колби Тикнес во Сиднеј.
Илија даде интервју за Фокс спорт Австралија и го рече следново:
„Ислам Махачев е голем борец, најдобар на ранг-листата. Но, јас сум најдобриот борец во светот. И знам дека можам да правам што сакам со него. Затоа што знам дека сум многу подобар од него.
Мовсар Евлоев? Мислам дека Диего Лопез повеќе заслужува борба со мене. Евлоев има повеќе борби во УФЦ, но има околу осум победи со одлуки и пет од нив се поделени. Види, тој мора да заврши некого.
Оставете го да направи нешто и да се стави во вистинската позиција. Ако го направи тоа, тогаш можеме да се бориме“, рече Топурија.
Сè уште нема извесност за следната борба на Топурија. Се шпекулира дека ќе се бори со Александар Волкановски во април во Мајами.
View this post on Instagram
